रोज सकाळी भाजलेला लसूण खाण्याचे फायदे

 

लसूण हा स्वयंपाकघरातील महत्वाचा पदार्थ आहे. त्यात अनेक महत्वाचे गुणधर्म असतात. लसणाशिवाय भाजीला आणि डाळीला चव येत नाही. फोडणीत आवर्जून लसणाचा वापर केला जातो. थंडीच्या दिवसांत लसूण खाल्ल्याने इम्युनिटी वाढते आणि शरीर उष्ण राहण्यासही मदत होते. जर लसूण कच्चा खायला आवडत नसेल तर भाजलेला लसूण खाऊ शकता. भाजलेला लसूण चवीलाही उत्तम लागतो. भाजल्यामुळे लसणाची तिखट चव निघून जाते. भाजलेले लसूण तोंडी लावण्यासाठी ताटात ठेवू शकता.

हिवाळ्यात लसूण भाजण्यासाठी गॅस किंवा ओव्हनचा वापर करू शकता. लसणाचा वरचा भाग थोडा कापून घ्या. त्यानंतर त्यावर ऑलिव्ह ऑईल लावून मीठ आणि काळी मिरी लावा. त्यानंतर मंद आचेवर रोस्ट करा आणि एक ते दोन कळ्या खा. लसूण पचल्या नंतर रक्तात विरघळू लागतो. यातील तत्वांमध्ये (एलडीएल) बॅड कोलेस्टेरॉल कमी करण्याची क्षमता असते. लसणात एंटी हायपरलिपिडेमिया इफेक्ट असतो, ज्यामुळे कोलेस्टेरॉल आणि ट्रायग्लिसराईड कमी होते आणि दीर्घायुष्य लाभते. चायनीज अभ्यासात दिसून आले की, जे लोक आठवड्यातून एकदा लसूण खातात त्यांच्या तुलनेत जे लोक रोज लसूण खातात ते लोक जास्त जगतात. यातून असं दिसून येतं की लसूण वाढत्या वयातील लक्षणं कमी करण्यास मदत होते आणि आजारही दूर होतात.

हार्ट अटॅक आणि स्ट्रोक सारख्या आजारांचे मुख्य कारण ब्लड प्रेशर आहे. लसणातील कंपोनेंट्स ब्लड प्रेशरच्या औषधा प्रमाणेच शरीरावर परिणाम करतात. हिवाळ्याच्या दिवसात लसणाच्या पाकळ्यांचे सेवन केल्यास शरीराला बरेच फायदे मिळतात. यातील एंटीइंफ्लामेटरी आणि एंटी ऑक्सिडेंट्समुळे इफेक्ट्स इम्यून सिस्टिम मजबूत राहते, तसेच सर्दी, खोकल्याची समस्याही उद्भवत नाही. याशिवाय बॅक्टेरिया आणि व्हायरसचा धोका टळण्यास मदत होते. भाजलेला लसूण खाल्ल्याने अल्जायमर, डिमेंशिया दूर होतो, एथलीट परफोर्मेन्स वाढतो, शरीर डिटॉक्स होते आणि हाडांना बळकटी मिळते.

संकलन : मिलिंद पंडित